«Асырап алған балаларын қинаған»: Шымкентте емшінің әйелі тергеліп жатыр
Ұ.Смановтың әйелінің үстінен Қылмыстық кодекстің 140-бабы бойынша іс қозғалған
Шымкентте асырап алған балаларын қинаған емші ісіне қатысты сот нүкте қойды. Қазіргі уақытта оның әйелі тергелу үстінде. Бұл ақпаратты Шымкент қалалық ПД баспасөз қызметі растады, деп хабарлайды Azattyq Rýhy.
Айта кетейік, 6 баланы қорлаған Ұ.Смановтың әйелінің үстінен Қылмыстық кодекстің 140-бабы бойынша іс қозғалған.
«Аталған факті бойынша жергілікті тұрғынның әйеліне қатысты кәмелетке толмаған баланы тәрбиелеу жөніндегі міндеттерді орындамағаны үшін қылмыстық іс қозғалғанын хабарлаймыз. Қазіргі уақытта тергеу амалдары жүргізіліп жатыр»,- делінген ПД хабарламасында.
Бұған дейін Шымкентте жергілікті емшінің 6 баланы асырап алып, оларға ит пен мысықтың етін беріп, үш жылдан бері азаптап келгенін жазғанбыз.
