Бұрынғы әйелін ұрлап әкеткен: Алматы облысының полициясы оқиғаға қатысты пікір білдірді

Алматы облысында ер адамның бұрынғы әйелін ұрлап кетуіне байланысты полиция пікір білдірді. Бұл туралы «Немолчи.кз» жазды, деп хабарлайды Azattyq Rýhy.

Алматы облыстық Полиция департаменті аталған дерек бойынша тексеру жұмыстары жүргізіліп жатқанын айтты.

«Барлық мән-жайлар анықталуда. Аталған факт бойынша тексеру жұмыстары жүргізілуде, олардың нәтижелері бойынша түпкілікті процессуалдық шешім қабылданатын болады», - деп хабарлады полиция департаментінен.

Бұған дейін «Немолчи.кз» қоғамдық бірлестігінің төрағасы Дина Таңсәрі Алматы облысында ер адам бұрынғы әйелін ұрлап кеткенін жазып, дабыл қаққанын жазғанбыз.