Коронавирус бойынша жаңа 143 науқас тіркелді – Біртанов

Коронавирус бойынша ең жоғарғы өсім деңгейі Павлодар және Маңғыстау облыстарында тіркелді. Бұл туралы  ҚР Денсаулық сақтау министрі Елжан Біртанов мәлім етті.

«Өткен тәулік бойынша 143 жаңа науқас тіркелді: Нұр-Сұлтан қаласында – 49, Алматыда – 29 адам. Өсім деңгейі 5,3% -ды құрайды. Ең жоғарғы өсім Павлодар облысында 15,8%, яғни жаңа 15 науқас бар, ал Маңғыстау облысында 3 науқас қосылды. Өсім деңгейі 11, 1%. Емделуде 2110 науқас бар. Қайтыс болғандар – 25, қарым-қатынаста болғандардың 98,9 %-ы бақылауға алынған», - деді Елжан Біртанов Үкімет отырысында.

Қазақстанда COVID-19 инфекциясы анықталғандар жалпы 2860 адам бар. Алматыда – 876, елордада 547 науқас бар.

Абай Сейфулла, Нұр-Сұлтан