Маңғыстау облысындағы жол апаты: оқушылардың бірінің жағдайы ауыр

Кеше Маңғыстау облысының Ақшұқыр ауылында төрт оқушы мінген көлік бетон бағанаға соғылып, екі жасөспірім қайтыс болған еді. Аман қалған оқушылардың бірінің жағдайы ауыр, деп хабарлайды Azattyq Rýhy.

«Бір оқушының жағдайы ауыр. Маңғыстау облыстық балалар ауруханасының жансақтау бөліміне жатқызылды. Дәрігерлердің бақылауында. Тағы бір оқушыға медициналық көмек қажет болмай, үйіне жіберілді», - деп хабарлады облыстық денсаулық сақтау басқармасының баспасөз қызметі. 

Айта кетейік, Маңғыстау облыстық полиция департаменті аталған жағдайға байланысты қылмыстық іс қозғады.