Шегіртке шынымен халал өнім бе – ҚМДБ жауабы

Қазақстан мұсылмандары діни басқармасы (ҚМДБ) Премьер-Министрдің орынбасары Серік Жұманғариннің сөзінен кейін шегірткенің халал өнім екенін растады, деп хабарлайды Azattyq Rýhy.

Кеше Серік Жұманғарин шегіртке шабуылы және оған қарсы күрес туралы айтқан болатын. Сөз арасында, Премьер-Министрдің орынбасары кейбір елдер «оны өндіруді және одан керемет ақуыз тағамдарын дайындауды үйренді» деп мәлімдеді. Сонымен қатар, шегірткенің шын мәнінде халал өнім екенін атап өтті.

Осыған байланысты Factcheck.kz редакциясы шегірткенің халал өнім екендігі рас па, жоқ па, соны анықтау үшін, Қазақстан мұсылмандар діни басқармасына жүгінген.

«Шариғат және пәтуа бөлімінің маманы Елбек Тасболатұлы Factcheck.kz-пен телефон арқылы сөйлесті. Ол шариғат бойынша шегіртке шынымен халал болып саналатындығын айтты. Оның айтуынша, ҚМДБ ұстанатын ханафи масхабында, Мұхаммед пайғамбардың хадистерінің бірінде «өліктің екі түрін» – балық пен шегірткені тұтынуға рұқсат етілгені айтылған», – делінген ақпаратта.

Елбек Тасболатұлы «халал мәртебе» өнімнің тұтынуға міндетті екенін білдірмейтінін атап өтті. Аймақтың мәдени ерекшеліктеріне байланысты шегірткелерді өз қалауыңыз бойынша жеуге болады.