Мемлекетке 1,2 млрд теңге көлемінде залал келтірген арнайы ХҚКО қызметкерлері сотталды

Барлығы 32 адамға сот үкімі шықты 

Мемлекетке 1,2 млрд теңге көлемінде залал келтірген арнайы ХҚКО қызметкерлері сотталды

Астана қаласының қылмыстық істер жөніндегі мамандандырылған ауданаралық соты заңнамада көзделген алымдар мен төлемдерді төлемей, елімізге шетелден кірген автокөліктерді заңсыз тіркеген арнайы ХҚКО мен полиция қызметкерлеріне және азаматтық тұлғаларға қатысты үкім шығарды, деп хабарлайды Azattyq Ruhy ҚР Сыбайлас жемқорлыққа қарсы іс-қимыл агенттігіне сілтеме жасап.

Сот үкімі 25 сәуір күні шықты.

«Олар ұйымдасқан топ құрып, басшылық жасау, мемлекетке мүліктік залал келтіру, «Web-Модуль» ҚКО» және «ХҚКО ИАЖ» ақпараттық жүйелерінде көлік құралдары туралы мәліметтерді заңсыз енгізу және жою, мәмілелердің жазбаша нысандарын қолдан жасау бойынша айыпты деп танылды.

2022 жылдың қаңтарынан мамырына дейін қылмыстық топ шетелден кірген 462 автокөлікті заңсыз тіркеген. Мемлекетке келген жалпы шығын 1,2 млрд теңгені құрайды», - делінген хабарламада.

Сот үкімімен 32 адам сотталды, оның ішінде қылмыстық топтың ұйымдастырушылары - Астана қаласының №2 Мамандандырылған ХҚКО басшысы Ш. Бөкебаев пен Астана қаласының Арнайы ХҚКО мамандары А. Там-Оглы мен Х. Там-Оглы 9 жыл бас бостандығынан айырылды, 5 топ қатысушысы 6 жыл бас бостандығынан айыру, ал жазаның әртүрлі мерзімдері бойынша 17 «көмекшіге» бас бостандығынан айыру және шектеу түріндегі жаза тағайындалды. Сондай-ақ, 7 қызметкер 2 жыл 6 айдан бастап бас бостандығын шектеуден 3 жыл 6 айға дейін бас бостандығынан айыру жазасына кесілді.

Олар арнайы атақтарынан және мемлекеттік қызметте қызмет ету құқығынан өмір бойы айырылды.

Видео: https://t.me/antikornews

×
Бұл желілік ресурстың ақпараттық өнімдері 18 жастан асқан адамдарға арналған.