«Халықпен бірге!» бағдарламасы тұтас азаматтық қоғамның көрсеткіші екенін растайды – Болысбек

Халықтар достастығы – тәуелсіз әрі күшті мемлекеттің көрсеткіші. Осылай деген «AMANAT» партиясы Астана қалалық филиалының Атқарушы хатшысы Мұхамед Болысбектің айтуынша, еліміздегі бірлік күні достықтың, патриотизмнің және туған жерге деген махаббаттың мерекесі екенін атап өтті, деп жазады Azattyq Ruhy.

«Қазақстан халқының бірлігі күні елімізде 1996 жылдан бері аталып келеді. Осы жылдар ішінде бұл мереке Қазақстан аумағында тұратын 100-ден астам этностың ортақ құндылықтары мен ұлттық мәдениетінің маңыздылығын еске салатын, барлық қазақстандықты біріктіретін игі дәстүрге айналып үлгерді. Бұл – достықтың, патриотизмнің және туған жерге деген махаббаттың мерекесі», - дейді ол.

Оның айтуынша, еліміздің барлық жетістіктерге қоғамдық келісім, тұрақтылық, ынтымақтастық және мәдениетаралық диалог арқылы жетіп отырғаны даусыз.

«AMANAT» партиясының «Халықпен бірге!» сайлауалды бағдарламасы мемлекеттің тұтастығы, бірлігі мен ынтымақтастығы – жетілген азаматтық қоғамның көрсеткіші екенін растайды. Партия ұлтына, сеніміне, тіліне және басқа да ерекшеліктеріне қарамастан, барлық қазақстандықтың мүддесін қорғайды», - дейді Астана қалалық филиалының Атқарушы хатшысы.

Болысбек атап өткендей, мемлекет басшысы Қасым-Жомарт Тоқаев Қазақстан халқының бірлігі күнін ұлт бірлігінің жарқын және көрнекі символы деп атаған.

«Күн сайын, жұмыста да, күнделікті өмірде де әрқайсымыз біздің туған Отанымыз – көпұлтты және көпконфессиялы Қазақстанда бейбітшілік пен ынтымақтастықтың сақталуына өз үлесімізді қосып жүрміз. Ал сын сәттерде қазақстандықтар бірігіп, азаматтықтың озық үлгісін көрсетіп келеді. Бұл сөзімізді су тасқынына байланысты жағдайда қазақстан халқының әрекеті дәлелдейді. Мемлекет басшысы Қасым-Жомарт Тоқаев Қазақстан халқы Ассамблеясының XXXIII сессиясында атап өткендей, «Бірлік пен ынтымақтастық әрқашан біздің басты құндылықтарымыз және барлық мемлекеттік саясаттың өзгермейтін бағдары болып қала береді». Барлық сыртқы және ішкі қиындықтарға қарамастан, біз тәуелсіз жолымызды жалғастырамыз. Елде жүйелі түрде саяси, экономикалық және әлеуметтік реформалар жүргізілуде. Қазақстанды алда жаңа жетістіктер мен нәтижелер күтіп тұрғанына сенімдімін. Бұл табыстың кілті – бірлігіміз бен ынтымақтастығымыз», - деді сөзін түйіндеген ол.