Жамбыл облысында тіркелген үш науқас та стационарда жатқан
Облыс аумағында осы күнге дейін коронавирус жұқтырған 49 адам тіркелді
14 сәуір күні Жамбыл облысында тағы үш адамның коронавирус жұқтырғаны анықталды. Олардың үшеуі де бұған дейін науқастармен байланыста болғаны үшін карантиндік стационарға алынған. Бұл туралы Мемлекеттік комиссияның шұғыл штабы хабарлады.
«Науқастардың бірі – 1965 жылы туған Қордай ауданының тұрғыны. Ол 10 сәуір күні карантинге орналастырылған. Зертханалық талдаулар нәтижесі науқастың COVID-2019 инфекциясын жұқтырғанын растады. Сондай-ақ карантиндік стационарда жатқан Жамбыл ауданының 21 және 50 жастағы екі тұрғынының да талдаулары оң нәтиже көрсетті», - делінген ақпаратта.
Соңғы мәлімет бойынша, Жамбыл облысында коронавирус жұқтырған 49 адам тіркелді. Оның алтауы Делиден келген рейс жолаушылырынан анықталған.
