2025 жылы Қазақстанда жұмыссыздық артады

Еңбек және халықты әлеуметтік қорғау министрлігі 2025 жылы 1,6 млн жаңа жұмыс орны ашылып, қазіргі жұмыс орындарының 1,4 млн-ы қысқаратынын мәлімдеді, деп жазады LS.

«Министрліктің хабарлауынша, бұған бірнеше фактор әсер етеді. Біріншіден, 2025 жылға дейін экономикалық өсім жылдамдығы жылына 4,5-5% болады. Екіншіден, халық саны 1,4 млн адамға артады. Үшіншіден, 2025 жылға дейін еңбек өнімділігінің деңгейі 1,5 есе өседі. Осылайша жұмыс орындары 214 мыңға артып, 8,9 млн-ға жетеді», - деп жазады басылым.

Мамандардың айтуынша, 2025 жылға қарай жұмыс күші 9,8 млн адамға жетеді. Яғни, еңбек ресурстарының өсуі жұмыс орындарының ашылу жылдамдығынан асып түседі. Бұған еңбек нарығына шығып жатқан университет пен колледж түлектерінің әсері мол.