Бүркітші қыз Айшолпанның отбасы Қазақстанға қоныс аударды

Әлемге әйгілі бүркітші, отандасымыз Айшолпанның отбасы елге көшіп келді, деп хабарлайды Azattyq Ruhy ҚазАқпаратқа сілтеме жасап.

«Мен Қазақстандамын, бір аптадай бұрын ата-анам мен бауырларым көшіп келді. Өзім Алматыдағы С.Демирел атындағы университетте қазақ тілі мен әдебиеті мамандығы бойынша 4 курста оқып жатырмын. Қазір мамандығым бойынша жұмыс қарастырып жатырмын», - деді Айшолпан Kazinform тілшісіне ұялы телефон арқылы берген сұхбатында.

Сондай-ақ, отандасымыз бүркіт өнерін тастамағанын айтты.

«Оқу мен бүркітпен айналысуды қатар алып жүрмін. Аптасына бір рет айналысамын. Жарыстарға қатысып жүрген жоқпын, тек қонақ ретінде барамын. себебі оқудан қол тимейді», - дейді бүркітші қыз.