Президент кеңесшісі 42 500 теңгені алуда кездесетін проблемалар бойынша кеңес берді

Қазақстан Президентінің экономикалық мәселелер бойынша штаттан тыс кеңесшісі Олжас Құдайбергенов төтенше жағдай кезінде түрлі әлеуметтік төлемдер алудағы кездесетін проблемалар бойынша Әділет министрлігіне жүгінуге шақырды.

«Егер төтенше жағдай кезінде 42 500 теңге, зейнетақы, жәрдемақы, басқа да әлеуметтік төлемдерді алуда қиындықтар туындаса, Әділет министрлігінің жедел желісісіне, яғни 87172 580058 нөміріне хабарласаңыз. Олар сізге көмек береді», - деп жазды ол.

Естеріңізге сала кетейік, бұған дейін Президент кеңесшісі «42 500 теңгені бәрі бірдей ала ма?» деген сұраққа да жауап берген еді.