Жетісу облысында әкімдер мал санын жасанды түрде арттырып көрсеткен - прокуратура
8 ауылдық округтің әкімі әкімшілік жауапкершілікке тартылды
Жетісу облысында 8 ауылдық округтің әкімі жауапкершілікке тартылды.Кербұлақ ауданының ауылдық әкімдері тіркеулер мен статистикалық деректерді бұрмалаған. Олар мал жайылымына қажетті жердің тапшылығын жасанды түрде тудырған, деп хабарлайды Azattyq Ruhy.
"8 ауылдық округтің әкімі әкімшілік жауапкершілікке тартылды (ӘҚБтК 499-бабының 1-бөлігі). Олар статистикалық есептерде жеке сектордағы шаруа қожалықтарының мал санын жасанды түрде арттырған. Нәтижесінде 75 мың гектарға жайылымдық жерлерге деген қажеттіліктің нақты көрінісі бұрмаланған", - деп хабарлады Жетісу облыстық прокуратураның баспасөз қызметі.
Прокурорлық қадағалау актісін қарау шегінде аудан әкімдігі жайылымдарды басқару жөніндегі бұрын бекітілген Жоспарды қайта қарау бойынша жұмысын бастады.
