«AMANAT» партиясының қоғамдық қабылдауы арқылы қандай мәселелер шешілді

Осы жылдың 10 айында партияның қоғамдық қабылдауларына 73,7 мың адам жүгінді. Қарау нәтижелері бойынша мәселелердің 55%-ы оң шешімін тапты, деп хабарлайды Azattyq Ruhy.

Бүгінгі таңда қоғамдық қабылдау бөлмелері 1 618 қабылдау өткізіп, 4 023 адамды қабылдады. Оның ішінде 562-сіне толық заңгерлік сүйемелдеу ұсынылды, 485 азаматқа құжаттарды ресімдеуге көмек көрсетілді, 272 азаматқа медиативтік келісімдерді жасауға көмек көрсетілді және 2 704 азаматқа ауызша кеңес берілді.

Қоғамдық қабылдаулар арқылы оң шешімін тапқан кейстермен бөлісуді жөн көрдік.

• Ұлытау облысының Жезді кентінің тұрғыны қайтыс болған қызының балаларына алимент ресімдеуге көмек көрсету туралы өтініш білдірген. Белгілі болғандай, қызы қайтыс болғаннан кейін ол немересіне қамқоршылық жасап жүр, бірақ бұрынғы күйеубаласы көмектеспей жүр және баланы қолдамайды. Қабылдау кезінде мәселе оң шешілді. Медиация орталығының директоры Ж.Есмурзина өтініш берушінің бұрынғы күйеубаласына хабарласып, мәселені шешті. Өтініш беруші 500 мың және автокөлік алды.
• Ақмола облысының Кенесары ауылында тұратын Украина азаматы Музычук Антон ҚР азаматтығын алуға көмек сұрап жүгінді. Ұзақ уақыт бойы ол бұл мәселені шеше алмады. Әр түрлі инстанцияларға бірнеше рет жүгінген, бірақ мәселе шешілген жоқ. Аудандық мәслихат депутаты А. Табулдин өтініш берушіге кеңес беріп, мәселені жеке бақылауға алды. Бүгінде өтініш берушіге бір жыл мерзімге босқын мәртебесі мен куәлігі берілді. Заңда белгіленген уақыттан кейін өтініш берушіге ҚР азаматтығын ресімдеуге болады.
• «AMANAT» партиясы Павлодар облыстық филиалының қоғамдық қабылдауына көпбалалы ана Дюсембаева Ирина Николаевна жүгінді. Өтініш берушінің үлкен ұлы әскерге шақырылып, оның қолданыстағы несиелері қалды. Алайда, банктер армияда қызмет ету кезінде несиелерді өтеуді тоқтатқан жоқ. Бірлескен жұмыс нәтижесінде өтініш берушінің мәселесі оң шешілді – барлық төрт банк кредиттерді өтеу және мерзімі өткен үшін өсімпұлды есептеу үшін ақша алу рәсімін тоқтатты.
• Индербор кентінің тұрғыны Ғабсалямов Данияр банкроттық мәселесі бойынша жүгінді. Белгілі болғандай, 16 адам бірігіп «Дос» ЖШС құрып, грант жеңіп алып, шаруа қожалығы бойынша іске асыру жұмыстарын бастады. Бірақ барлық шоттар бұғатталды. Адвокат Айгүл Кенжалиева жасалған шартта қателік тапқан еді. Осылайша, бүгінгі күні әлеуметтік-кәсіпкерлік корпорация шарттың күшін жойды, барлық шоттардан бұғаттау алынып тасталды.

Партия хатшысы Ержан Жылқыбаевтың қабылдауы аясында Атырау қаласында азаматтың сұрақтары оң шешілді. Жаяу жүргіншілерге арналған жол белгілерін орнату бойынша -  3 қараша күні Атырау қалалық полиция басқармасы Техникалық бақылау қызметінің қызметкерлері және арыз иесімен Жеңіс, Қазанқап (Ильяс Есенберлин), көшелерінің бойына жаяу жүргінші белгілері орнатылатын орындар анықталды және полиция өз тарапынан «Атырау қалалық жолаушылар көлігі және автомобиль жолдары бөлімі» ММ-сі бөліміне жол белгілерін орнату жөнінде осы аптада тиісті нұсқаулық беретін болды. Қобыланды батыр көшесіне жарық шамдарын орнату бойынша Атырау қалалық тұрғын үй коммуналдық шаруашылығы, жолаушылар көлігі және автокөлік жолдары бөлімімен сөйлесіліп, жұмыстар басталды.

Мердігер мекеме жарық шамдарын орнату орындарын белгіледі. Жұмыстарды қараша айында бастап, желтоқсан айында аяқталады деп жоспарланып отыр. Жеңіс, Қазанқап ( Ильяс Есенберлин) көшелерінің бойына жаяу жүргінші жолын салу бойынша Атырау қалалық тұрғын үй коммуналдық шаруашылығы, жолаушылар көлігі және автокөлік жолдары бөліміне тапсырма берілді. 2024 жылдың жоспарына енгізіледі. 

Ай сайын қымбат тұратын «Транклир» медициналық препаратын сатып алуға қаржылық мүмкіндігі жоқ, балаларды жалғыз тәрбиелеп отырған Р.Шаймарданова, Алматы қаласының тұрғыны, партиялықтардың көмегіне жүгінуге шешім қабылдады. «Идиопатиялық өкпе гипертензиясы, бронх демікпесі» диагнозы қойылған 2007 жылы туған қызын емдеу үшін бұл препаратты ай сайын қолдану қажет болып шықты.

Мәселені ресми реттеу қажеттілігін түсіне отырып, Алматы «аманатшылары» Қоғамдық денсаулық сақтау басқармасымен тығыз өзара іс-қимыл жасай отырып, «Транклир» дәрілік затын Қазақстан Республикасы азаматтарының жекелеген санаттарын тегін және (немесе) жеңілдікпен амбулаториялық қамтамасыз ету үшін дәрілік заттар мен медициналық бұйымдар тізбесіне енгізу үшін Алматы қаласы мәслихатының 2021 жылғы 18 қыркүйектегі шешіміне толықтыру енгізуге бастамашы болды. Барлық ұйымдастырушылық және заңдық рәсімдерден кейін ҚР Денсаулық сақтау министрлігі мұқтаж баланы осы дәрі-дәрмекпен одан әрі қамтамасыз етуге ықпал еткенін растады.

Авторы: Аягөз ҚҰРМАШ