«COVID-19 жұқтырғандармен байланыста болған». Түркістан облысында тіркелген 3 науқас туралы

Түркістан облысында коронавирус жұқтырғандар саны 14 адамға жетті

Фото: ашық дереккөзден

Түркістан облысының Денсаулық сақтау басқармасы өңірде коронавирус жұқтырған соңғы 3 азамат туралы ақпарат жариялады. Басқарманың мәліметінше, олардың екеуі Жетісай ауданында, бірі Кентау қаласында тіркелген.

«Жетісай ауданындағы екі азаматтың, Кентау қаласындағы 1 азаматтың коронавирус жұқтырғаны расталды. Олар осыған дейін COVID-19 жұқтырған науқастармен байланыста болған. Вирус жұқтырғандар қазіргі уақытта оқшауланып, ем қабылдауда. Аталған азаматтармен байланыста болғандар анықталып, оқшаулау жұмыстары жүргізілуде.

Түркістан облысында коронавирус жұқтырғандар саны 14 адамға жетті. 3 сәуір сағат 09.40-тағы мәлімет бойынша Қазақстанда қауіпті індет жұқтырғандар 444 адамға жетті.

Нұр-Сұлтан қаласы – 199;

Алматы қаласы – 91;

Шымкент қаласы – 11;

Ақмола облысы – 19;

Ақтөбе облысы – 7;

Алматы облысы – 9;

Атырау облысы – 20;

Шығыс Қазақстан облысы – 3;

Жамбыл облысы – 6;

Батыс Қазақстан облысы – 2;

Қарағанды облысы – 21;

Қызылорда облысы – 26;

Маңғыстау облысы – 1;

Павлодар облысы – 1;

Солтүстік Қазақстан облысы – 14;

Түркістан облысы – 14;