Айдос Үкібай Болат Назарбаевтың өмірден өткенін растады

Тұңғыш президент Нұрсұлтан Назарбаевтың баспасөз хатшысы Айдос Үкібай Болат Назарбаевтың қайтыс болғаны жөніндегі ақпаратты растады, деп хабарлайды Azattyq Ruhy.

Үкібай қаралы хабарды Twitter парақшасында жариялады.

«71 жасқа қараған шағында созылмалы ауырудың салдарынан ҚР Тұңғыш Президенті Нұрсұлтан Назарбаевтың туған інісі Болат Әбішұлы Назарбаев дүниеден озды», - деп жазды ол. 

Болат Назарбаев 1953 жылы 23 наурызда туған.

1973-1988 жылдары «Шамалған» кеңшарында механик, аға механик, бригадир, директордың орынбасары болған.

1988-1989 жылдары – Қаскелең қаласы нан зауыты директорының орынбасары.

1989 жылдан 1992 жылға дейін кәсіпкерлікпен айналысқан.

«Инкар Агро» ЖШС-ның вице-президенті, BN Invest холдингінің директоры қызметін атқарды.

Сонымен қатар, «Салиқалы ұрпақ» қайырымдылық ұйымын құрды.

2022 жылдың шілдесінде БАҚ Болат Назарбаевта ауруханаішілік пневмония, тромбоз және қант диабетімен асқынған көмей обыры табылғанын жазды.

4 қарашада БАҚ Болат Назарбаевтың ауыр жағдайы туралы тағы да жазды. Тұңғыш Президенттің ағасы қайтадан инфарктпен ауруханаға жатқызылғаны, оның жағдайы ауыр және тұрақсыз екені айтылған еді.