Көкшетау қаласының тұрғындары жылуға 137 млн теңге қарыз
Шаһарды жылумен қамтып отырған мекеме мамандары қатаң шара қолдануға мәжбүр
Көкшетау қаласының тұрғындары жылуға 137 млн теңге қарыз, деп хабарлайды Azattyq Rýhy Хабар 24 арнасына сілтеме жасап.
Оның 36 млн теңгесін заңды тұлғалар өтеуі тиіс. Шаһарды жылумен қамтып отырған мекеменің мамандары ескерту шараларымен шектеліп қоймай, қатаң шара қолдануға мәжбүр. Бірнеше ай қарызын төлемеген абоненттердің ісі сотқа жіберілді. Жалпы қазір қаланың коммуналдық мекемелер жылыту маусымына 80% дайын. Биыл өңірдегі жылу қазандықтарын жаңғыртуға жергілікті қазынадан 3,2 млрд теңге бөлінді.
«Қарызы көп тұрғындарды жылудан ажырату жұмыстары жүргізіліп жатыр. Бүгінгі күні 11 заңды тұлға мен жеке сектордағы 15 үй жылудан ажыратылды. Сондай-ақ сот арқылы олардың мүліктерін ареске алынды», - дейді «Көкшетау жылу» филиалының директоры Самат Сматаев.
