Қазақстанда рөлі оң жақта орналасқан көліктерді әкелуге тыйым салынады

Қазақстанға алты айға «оң рөлді» көліктерді әкелуге тыйым салу туралы бұйрық жобасы қоғам талқысына ұсынылды, деп хабарлайды Azattyq Ruhy.

Индустрия және инфрақұрылымдық даму министрлігі әзірлеген «Рульдік басқару және олардың шанақтары оң жақта орналасқан жеңіл автомобильдердің жекелеген түрлерін әкелуді реттеудің кейбір мәселелері туралы» бұйрығында Ол Қазақстан Республикасының аумағына алты айға оң рөлді автокөліктерді әкелуге тыйым салуды енгізу қарастырылған.

Бұйрық жобасы «Ашық НҚА» порталында жарияланды.

«Қазақстан Республикасының аумағына оң жақта орналасқан рульдік басқарылатын жеңіл автомобильдерді (Еуразиялық экономикалық одақтың Сыртқы экономикалық қызметінің тауар номенклатурасы коды (бұдан әрі - ЕАЭО СЭҚ ТН коды) 8703; 8703 21 109 1 қоспағанда 8703 21; 8703 22; 8703 23; 8703 24; 8703 31; 8703 32; 8703 33; 8703 40 109 қоспағанда 8703 40; 8703 50; 8703 60 109 қоспағанда 8703 60; 8703 70; 8703 80 000; 8703 90 00; 8706 00 910; сондай-ақ олардың шанақтары 8707 10 900 0; 8707 90 900 9 ЕАЭО СЭҚ ТН кодтары) әкелуге алты ай мерзімге тыйым салу енгізілсін», - делінген бұйрық мәтінінде.

Енгізілген бұйрықты ҚР Қаржы министрлігінің Мемлекеттік кірістер комитеті ҚР Ұлттық қауіпсіздік комитетінің Шекара қызметімен бірлесе бақылайды.

Жоба 2023 жылдың 13 қыркүйегіне дейін талқылаудан өтеді.