Астанада 1-сыныпқа баратын балаларға арналған даярлық курстары өтеді

Астана қаласының мемлекеттік мектептері биыл мектеп табалдырығын аттағалы отырған 1-сынып бүлдіршіндері үшін 2023 жылдың 1-25 тамыз аралығында «Балақайлар мектебі» қысқа мерзімді даярлық курстарын өткізеді, деп хабарлайды Azattyq Ruhy.

«Астана қаласының Әдістемелік орталығы ұлттық құндылықтарға негізделген «Балақайлар мектебі» мектепалды даярлықтың қысқа мерзімді курстарын ұйымдастыру бойынша әдістемелік ұсынымдар» мен оқу жоспарын әзірлеп білім беру ұйымдарына әдістемелік қолдау көрсетті», - деп хабарлады білім басқармасы.

Орталық әдіскерлері «Балақайлар мектебі» педагогтеріне курстарды жүргізу әдістемесі бойынша түсіндіру жұмыстарын жүргізеді.