«Комиссия өз деңгейінде нәтижелі жұмыс істей алмады»: депутат Маңғыстаудағы жағдай жайлы

Маңғыстауда комиссия өз деңгейінде нәтижелі жұмыс істей алмады. Бұл туралы депутат Самат Мұсабаев Мәжілісте айтты, деп хабарлайды Azattyq Ruhy.

«Біздің осы депутаттық сауалымызға себеп, ағымдағы жылғы 4 сәуірде Премьер-министрдің атына № 9-10-44 жолданған хаттың жауапсыз қалуы және екі ай дегенде Қазақстан Республикасы Ұлттық экономика вице-министрінің қолымен ұсынылған жауаптың қанағаттандырылмауы. Өткен жылғы қаңтар айында Мемлекет басшысының тапсырмасы бойынша Маңғыстау облысындағы жағдайды реттеуге арналған Үкіметтік комиссия құрылған болатын. Комиссия өңірде өз деңгейінде нәтижелі жұмыс істей алмады», - деді ол.

Депутат оған дәлел Маңғыстау өңіріндегі жиі-жиі туындап отырған әлеуметтік наразылықтар екенін айтты.

«Осыған орай, Үкімет деңгейінде Маңғыстау облысының әлеуметтік-экономикалық мәселесін шешуге арналған арнайы Үкімет Комиссиясы құрылсын.Үкіметтік комиссия Маңғыстау облысында қордаланған барлық мәселелерді анықтап, тиісті шешімдер қабылдап, нақты нәтижелерге қол жеткізуі қажет», - деді Мұсабаев.