ШұғылCOVID-19: Қазақстанда 14 адам өкпені жасанды желдету аппаратына қосылған

Қазақстанда кинотеатрлар жұмысын тоқтатады

Халықты азық-түлікпен қамтамасыз ету үшін сауда орындары жұмысын жалғастыра береді.

фото: kinopark.kz

Қазақстанда коронавирусқа байланысты кинотеатрлар жұмысын тоқтатады. Бұл туралы ҚР Премьер-министрінің орынбасары Ералы Тоғжанов мәлімдеді.

«Кинотетарлар жұмыс істемейді. Біз бұл мәселені ұзақ талқыладық. Өздеріңіз білетіндей, бір фильм 1 сағаттан аса жүреді. Бір жерде сонша уақыт отыру мәселе тудырады», - деді вице-премьер.

Еліміздегі кинотеатрлар ведомствоаралық комиссия құжатқа қол қойған күннен бастап жұмысын уақытша тоқтатады. Алайда, халықты азық-түлікпен қамтамасыз ету үшін сауда орындары жұмысын жалғастыра береді.

Бүгін Мемлекет басшысы Қасым-Жомарт Тоқаевтың тапсырмасымен алда болатын барлық қоғамдық іс-шаралардың тоқтатылатыны айтылды.  

Абай Сейфулла, Нұр-Сұлтан