«23 млн теңгеге алынған шырша»: Семей тұрғындары жаңа жылдық шырша құнын қызу талқылауда

Семей тұрғындарын қала алаңдарында орнату үшін жергілікті әкімдік сатып алған екі жаңа шыршаның құны таң қалдырды. Билік шыршаны орнатуға қанша қаржы жұмсағанын жарияламағанымен, бұл баға әлеуметтік желілерде жария болды. Екі жаңа жылдық шырша үшін бюджеттен 23 миллион теңге жұмсалған, деп хабарлайды Arnapress.kz.

Қала тұрғындарының пікірінше, шыршалардың құны қымбатқа түскен. Қалалық ТКШ бөлімі семейліктердің бұл сынына өз жауаптарын берді. Ведомство қаланың жаңа жылдық безендіру аясында екі шырша сатып алғанын түсіндірді.

"Орал шыршасы" деп аталатын жасанды ағаштар Мәскеуде сатып алынды. Олардың бірі биіктігі 19 метр, екіншісі 18 метр.

Сондай-ақ, ТКШ бөлімінде сатып алу құнына тек шыршалар ғана емес, сонымен қатар бірқатар ілеспе шығындар, соның ішінде әшекейлер де кіретініне назар аударылды.

"Бұл шыршалар мынадай бөліктерден тұрады: орталық алаңдағы ұзындығы 200 сантиметр "Жұлдыз" тәжі; 10 метрден 200 дана жарықдиодты гирляндалар, "Жұлдыз" ойыншығы - 47 сантиметрден, 25 дана, "Жұлдыз" ойыншығы 36 сантиметр, 220 дана, 245 жұлдыз тәрізді қоректендіру адаптері”, – деп хабарлады ТКШ бөлімінде.

Сонымен қатар, бөлінген қаражатқа Мәскеуден көлік шығындары, сондай-ақ құрастыру шығындары мен салық кіретінін атап өтті.