Exit, Çıkış: Түркістандағы жаңа әуежай тақтайшаларында қазақша нұсқаулық жоқ

Түркістан қаласындағы халықаралық әуежайында орнатылған тақтайшаларда нұсқаулық тек ағылшын және түрік тілдерінде жазылған. Ал қазақ тілі ескерілмеген. Бұл туралы Рауан Есбергенов есімді Facebook қолданушысы жазды.

Видеода автор әуежайдың ішіндегі шығу жолын нұсқайтын тақтайшадағы сөздің қазақ тілінде жазылмағанын айтқан. Нақтырақ айтқанда «Шығу» сөзі ағылшын және түрік тілінде ғана жазылған екен.

«Бұл Қазақстан ғой. Түркия емес. Ағылшын және түріктер үшін істеп қойған. Неге қазақтарға құрмет жоқ?», - дейді автор.

Ал, әуежай қызметкері бұл мәселе 2-3 күнде шешімін табатынын айтып, әуежайды түрік компаниясы салғандықтан, оны тек екі тілде жазғанын жеткізген.

Түркістан халықаралық әуежайының құрылысы 2019 жылы басталып, 2020 жылы 28 қыркүйекте ашылды.