«Антарес»: Елордада тағы бір қаржы пирамидасы анықталды

Қаржылық мониторинг агенттігі Нұр-Сұлтан қаласындағы «Антарес» қаржы пирамидасы қызметінің жолын кесті.

Қаржы пирамидасын ұйымдастырушылар жеке тұлғалардың ақшасын кәсіпкерлік қызметке тартқан. Бірақ іс жүзінде олар қаражатты қайта бөлу және бір қатысушыларды басқа салымшылардың жарналары есебінен байыту арқылы табыс тауып отырған.

Аталған дерек бойынша сотқа дейінгі тергеу амалдары жүргізілуде. Қазіргі уақытта аумақтық департамент барлық зардап шеккен адамдарды және келтірілген залал сомасын анықтауға бағытталған шаралар қабылдап келеді.

«Антарес» қаржы пирамидасының қызметіне ақша салып, алданғандар болса: Нұр-Сұлтан қаласы, Желтоқсан көшесі, 43 мекенжайы, +7 7172 76 79 33 телефоны бойынша ҚМА аумақтық департаментіне жүгіне алады.