Яндекс.Такси қызметі Қазақстанда жабыла ма?

Бұған дейін Алматыда аудандық сот шешімімен Яндекс.Такси қызметі Қазақстанда тоқтатылады деген ақпарат тараған болатын. Компания өкілі Lenta.ru тілшісіне сұхбат беріп, бұл ақпаратты жоққа шығарды.

«Яндекс.Такси» баспасөз қызметінің өкілі Ася Мелкумованың айтуынша, атақты такси сервисі Қазақстанда жұмысын жалғастыра бермек. Ал, ауданаралық экономикалық соттың шығарған шешімін олар апелляциялық сотта даулайды.

«Біздің сервис жұмыс істеп тұр және жұмысын тоқтатпайды. Ал, патенттік дау мәселесіне келсек, компания апелляциялық шағым түсіреді», - деді А.Мелкумова.