ШұғылCOVID-19: Қазақстанда вирус жұқтырғандар саны 406 мыңнан асты

Бас санитар дәрігердің жаңа қаулысы: Ashyq жобасын қосуға міндетті нысандар қатары артты

Қаулы қол қойған күннен бастап күшіне енді

Inform.kz

Қазақстанның бас санитар дәрігері Ерлан Қиясовтың жаңа қаулысы жарияланды. Құжатта Ashyq жобасының қолданыс аясын кеңейту қарастырылған. Сондай-ақ, аталған жоба 7 маусымнан бастап Ақтау мен Қостанай әуежайларында іске қосылады.

Бас санитар дәрігер кәсіпкерлік насындарының барлығын дерлік Ashyq жобасымен жұмыс істеуге міндеттеп отыр. Атап айтқанда:

  • йога орталықтарын қоса алғанда, фитнес-клубтары;
  • спа-орталықтары;
  • сауналар, бассейндер;
  • PlayStation клубтарын қоса алғанда, компьютерлік клубтар;
  • боулинг клубтары;
  • кинотеатрлар;
  • театрлар мен филармониялар;
  • асхана типіндегі объектілерді, стрит-фудтарды қоспағанда, қоғамдық тамақтану объектілері, жазғы алаңдар, фуд-корттар, банкет залдары;
  • облысаралық және қалалық тұрақты емес (туристік) тасымалдар;
  • бильярд клубтары;
  • концерт залдары;
  • ерікті қатысушылар;
  • караоке;
  • көрмелер;
  • океанариум;
  • марафондар;
  • көрермендер қатысатын спорттық іс-шаралар;
  • Нұр-Сұлтан, Алматы, Шымкент және Түркістан қалаларының әуежайлары;
  • (2021 жылғы 7 маусымнан бастап) Ақтау және Қостанай қалаларының әуежайлары;
  • лотерея клубтары және лотерея сататын өзге де орындар;
  • балалардың (жабық) ойын-сауық орталықтары;
  • цирктер;
  • отельдер, қонақ үйлер.

Құжат қол қойған күннен бастап күшіне енеді.