81 адамның Қазақстан азаматтығынан шығу туралы өтініші қаралады

Қырымбек Көшербаев Азаматтық мәселелер жөніндегі комиссияның кезекті отырысын өткізді

көрнекі фото

Мемлекеттік хатшы Қырымбек Көшербаевтың төрағалығымен ҚР Президентінің жанындағы Азаматтық мәселелер жөніндегі комиссияның кезекті отырысы өтті.

Онлайн режимде өткен жиында Қазақстан азаматтығын алуға және одан шығуға тілек білдірген адамдардың өтініштері қаралды.

Комиссия отырысының қорытындысы бойынша Мемлекет басшысының қарауына жақын және алыс шетелдерден келген әртүрлі ұлттардың 955 өкілін еліміздің азаматтығына қабылдау туралы ұсыныс енгізілетін болды.

Сондай-ақ комиссия 81 адамның Қазақстан азаматтығынан шығу туралы өтінішін қанағаттандыру туралы да ұсыным жасайды.

Мақалада

#Қырымбек Көшербаев #Қазақстан азаматтығы #мемлекеттік хатшы #азаматтық #қос азаматтық

Алдыңғы жаңалық

Алакөлге «Boeing 737» ұшағы қонады – Амандық Баталов