Әуе қызметкерлері үшін менталдық ауытқуы бар адамдармен қарым-қатынас орнатудың ережесі әзірленеді

Азаматтық авиация комитеті Аутизм Қазақстан ұлттық қауымдастығымен, әуе компаниялар мен әуежай өкілдерімен бірлесіп, әуе компаниялар мен әуежай қызметкерлерінің менталдық ауытқулары бар халықпен (аутизм, Даун синдромы, психикалық-сөйлеу дамуының тежелуі) өзара қарым-қатынас орнату ережелерін әзірлеу және енгізу мәселелері бойынша кездесу өткізді.

«Қазір осы мәселелерді талдау және зерделеу жүргізіліп жатыр, одан кейін нормативтік-құқықтық актілерге өзгерістер енгізу қажеттілігі туралы шешімдер қабылданатын болады. Сондай-ақ, осы жұмыс кездесуінде әуе компаниялардың бортсеріктері мен әуежай қызметкерлерін оқытудың, ақпараттық-түсіндіру жұмыстарын жүргізудің маңыздылығы атап өтілді. Осы мәселеде бірқатар қоғамдық ұйымдар қызығушылық танытып, көмек көрсетуге ниет білдіріп отыр», - делінген комитет хабарламасында.