Қостанай облысы «сары» аймаққа өтті

Эпидемиологиялық ахуалды бағалау матрицасына сәйкес, Қазақстанда қазір коронавирустың таралу қаупі бойынша бір облыс қана «қызыл» аймақта тұр. Ол – Атырау облысы.

ҚР Денсаулық сақтау министрлігі Қоғамдық денсаулық сақтау ұлттық орталығының мәліметіне сәйкес, 29 желтоқсандағы жағдай бойынша Атырау мен Қостанай облыстары «қызыл» аймақта болған. Алайда, 30 желтоқсандағы жағдай бойынша Қостанай облысы «сары» аймаққа өткен.

Сонымен қатар «сары» аймақта Қостанаймен бірге Ақмола, СҚО, Павлодар облыстары мен Нұр-Сұлтан, Алматы қаласы бар. Қалған облыстардың бәрі де «жасыл» аймақта орналасқан.