Елордада жолаушылар отырған автобус жол апатына ұшырады

Бес жолаушы мен автокөлік жүргізушісі ауруханаға жеткізілді

Фото: Нұр-Сұлтан қаласы Полиция департаменті

Елордада жолаушылар автобусы мен жеңіл көлік соқтығысты. 29 желтоқсанда сағат 11:38-де Volkswagen Polo автокөлігін басқарған 47 жастағы әйел Тәуелсіздік даңғылының бойында жолаушылар автобусымен соқтығысып қалды. Жол апаты салдарынан автобус жарық тірегіне соқтығысты.

Автобустың 5 жолаушысы мен Volkswagen Polo автокөлігінің жүргізушісі жеткізіліп, дәрігер қарағаннан кейін үйлеріне жіберілді.

Нұр-Сұлтан қаласы Полиция департаменті баспасөз қызметінің хабарлауынша, қоғамдық көлікте 30-ға жуық жолаушы болған.

Мақалада

#Нұр-Сұлтан #жол апаты #қоғамдық көлік #елорда #жолаушылар автобусы

Алдыңғы жаңалық

«Nur Otan» еліміздің тарихи-мәдени мұрасын сақтауға ықпал етеді