Оралда дәрігер жетіспегендіктен, тұрғындар Ресейге барып емделіп жүр

Ұлттық қауіпсіздік комитетінің шекара қызметі келтірген дерекке қарағанда биыл 4 мың оралдық көрші елге барып қайтыпты, деп хабарлайды Azattyq Rýhy тілшісі «Астана» телеарнасына сілтеме жасап.

«Бүгінгі таңда облыс бойынша 245 дәрігер маман жетіспейді. Оның ішінде 84-і жалпы тәжірибе дәрігері, анестезиолог-ревматолог, акушер-гинекологтар тапшы», - дейді БҚО Денсаулық сақтау басқармасы қызметкерлерді басқару қызметінің басшысы Ринат Хайрулин.

Биыл өңірге 119 жас маман келді. Ал келер жылы облыстық денсаулық сақтау басқармасы болашақ дәрігерлерді жергілікті бюджет есебінен көбірек оқытуға күш салмақ.