Алматы коронавирустың таралу қаупі бойынша «сары» аймаққа енді

Эпидемиологиялық ахуалды бағалау матрицасына сәйкес, Алматы қаласы коронавирустың таралу қаупі бойынша «сары» аймаққа қайта енді.

ҚР Денсаулық сақтау министрлігі Қоғамдық денсаулық сақтау ұлттық орталығының мәліметіне сәйкес, 23 желтоқсандағы жағдай бойынша «қызыл» аймақта – Атырау облысы, ал «сары» аймақта Нұр-Сұлтан мен Алматы қалалары, Қостанай, Ақмола, СҚО, БҚО, Павлодар облыстары тұр. Қалған өңірлердің бәрі де «жасыл» аймаққа енген.

Еске салайық, эпидемиологиялық жағдай тұрақталғанға дейін «Теңіз» кен орнында (Атырау облысы) шектеу шаралары күшейтіледі.