Минск және Франкфурт қалаларынан ұшып келген 3 қазақстандықтан коронавирус анықталды

20 желтоқсанда 363 жолаушы ПТР-анықтамасыз ұшып келді

Минск және Франкфурт қалаларынан ұшып келген 3 қазақстандықтан коронавирус анықталды
Фото: ашық дереккөзден

20 желтоқсанда Қазақстан аумағына Германия, Италия, Мальдив, Мысыр, Түркия, БАӘ, Армения, Украина, Ресей, Беларусь, және Қырғызстан елдерінен 20 халықаралық әуе рейсімен 2 824 қазақстандық келді. Оның ішінде теріс нәтижесі бар ПТР-анықтамамен 2461 адам, анықтамасыз 363 адам келген. Бұл туралы Санитариялық-эпидемиологиялық бақылау комитетінің баспасөз қызметі хабарлайды.

  • Алматы әуежайына – 10 рейс (1 633 жолаушы, анықтамамен – 1 490, анықтамасыз – 143);
  • Нұр-Сұлтан әуежайына – 8 рейс (1 142 жолаушы, анықтамамен - 922; анықтамасыз – 220);
  • Ақтау әуежайына – 1 рейс (барлық 31 жолаушы анықтамамен келді);
  • Өскемен әуежайына – 1 рейс (барлық 18 жолаушы анықтамамен келді).

Анықтамасыз келген Қазақстан азаматтары келген жерлері бойынша COVID-19-ға ПТР-талдау әдісімен тестіленді және карантиндік стационарларда нәтижесін күтуде.

19 желтоқсанда тиісті анықтамасыз ұшып келген 237 қазақстандықтың үшеуінен ПТР-талдау нәтижесі бойынша коронавирус анықталған. Олардың екеуі Нұр-Сұлтан қаласына Минскіден, біреуі Франкфуркттан ұшып келген.

×
Бұл желілік ресурстың ақпараттық өнімдері 18 жастан асқан адамдарға арналған.