ШұғылӨткен тәулікте Қазақстанда 835 адамнан COVID-19 вирусы анықталды

Алматы әуежайын көшіру ұсынылды

«Алматы-2050» даму стратегиясын дайындаушылар әуежайды көшіруді ұсынды

© Айжан Түгелбаева

«Алматы-2050» даму стратегиясын дайындаушылар әуежайды көшіруді ұсынды, деп хабарлайды Azattyq Rýhy Tengrinews.kz сайтына сілтеме жасап.

Құжат бойынша, Алматыны дамытуға арналған 6 аймақ пайда болады. Осылайша, халықаралық сарапшылар өндірістік кәсіпорындар мен халықаралық әуежайды қала сыртына көшіруді ұсынып отыр.

«Кейбір аумақтарда бірқабатты ғимараттар толып тұр, солардың барлығын сүріп тастауға болады. Мұның барлығы стратегия аясындағы Бас жоспарда қосымша дайындалады. Барлығы есептеледі. Келесі жылы дайын болады», - деді Стратегия және бюджет басқармасының басшысы Нұртас Қайыров.

«Downtown Алматы теміржол вокзалынан төмен жақта орналасады. Қаланың төмен бөлігінде орналасқан аудандарды дамытамыз. Қала кеңеймейді, ондай жоспарда жоқ. 2040 жылға қарай әуежайды қала сыртына ауыстырып, ал әуежай орналасқан жерге кеңсе орындарын немесе тұрғын үйлер салу жоспарланып отыр», - деді «Алматы қаласын дамыту орталығы» АҚ басқарма директоры Айдос Жексенбай.