Павлодарда кейбір тұрғын үйлердің жертөлесі суға толып кеткен

Павлодарда жекеменшік үйлердің жертөлесі суға толып кетті. Тұрғындардың шу шығарып, әкімдікті жағалап жүргеніне 10 жылға жуықтағанымен, нәтиже әлі күнге жоқ, деп хабарлайды Azattyq Rýhy тілшісі «Астана» телеарнасына сілтеме жасап.

«5-6 жыл болды жылда осылай жер асты суы көтеріліп кетеді. Судың тереңдігі 1 метрден асады. Осының кесірінен үйіміз, гараж бәрі отырып кетті», - дейді қала тұрғыны Геннадий Пуха.

Ал, әкімдік болса бұл көше проблемасынан бейхабар болып шықты. Жерасты суы көтерілген басқа көшелерге су сору құрылғылары орнатылыпты. Ал, мына көше ол тізімге кірмей қалған. Өйткені, бұрын арыз-шағым болмаған.