Мектеп оқушылары дәстүрлі оқу форматына орала ма?

ДСМ Тауарлар мен қызметтердің сапасы мен қауіпсіздігін бақылау комитеті төрағасының орынбасары Нұрлыбек Асылбеков ОКҚ-да өткен брифингте ағымдағы оқу маусымында мектеп оқушылары дәстүрлі оқу форматына орала ма деген сұраққа жауап берді.

«Бұған дейін айтқанымыздай, әлемде коронавирус жұқтырғандардың саны қайта өсіп келеді. Кейбір алыс, жақын елдерде инфекция қайта өршіді. «Қызыл» және «сары» аймаққа енген өңірлерді де білесіздер. Министрлік барлық болжамды ескереді. Егер біз санитарлық талаптардың бәрін орындасақ, онда пессимистік болжамның алдын аламыз деп ойлаймын. Міне, осы жағдайда ғана біз дәстүрлі оқу немесе қашықтан оқыту форматын қарастырамыз. Болжам жасалады, әріптестеріміз соның негізінде шешім қабылдайды», - деп түсіндірді ол.

Еске сала кетейік, Қазақстанда коронавирус қаупі бойынша «қызыл аймаққа» ШҚО және Павлодар облыстары енді, ал «сары аймаққа» БҚО, СҚО, Қостанай және Ақмола облыстары енді.