Алматыда мектеп оқушылары екінші тоқсаннан бастап дәстүрлі форматта оқиды

Алматы қаласының бас санитарлық дәрігері Жандарбек Бекшин "Алматы қаласында коронавирустық инфекцияның алдын алу бойынша шаралар туралы" қаулыға өзгеріс енгізді, деп хабарлайды Azattyq Rýhy тілшісі. 

Қаулыда  оқу жылының екінші тоқсанынан бастап 300 оқушыға дейінгі контингенті бар қалалық мектептерде дәстүрлі форматта оқуға рұқсат етіледі. Сыныптағы оқушылар саны 15 баладан аспауы тиіс.

Сондай-ақ, қалалық мектептердің 1-ден 5-ке дейінгі кезекші сыныптарында, халықаралық мектептерде 7-сыныпқа  дейінгі оқушыларға ата-аналардың қалауы бойынша мектепте білім алуға рұқсат беріледі. Онда да сыныптағы оқушы саны 15 адамнан аспауы тиіс.