АҚШ-та соңғы тәулікте 1 100-ден астам адам коронавирустан қайтыс болды

АҚШ-та соңғы тәулікте COVID-19 ауруының 100 мыңнан астам жаңа жағдайы тіркелді, 1 100-ден астам адам қайтыс болды.

Қазіргі уақытта COVID-19 диагнозымен ел ауруханаларында 50 мыңнан астам адам емделуде.

Қытай билігі болса, бірқатар елдердің азаматтарына елге кіруге қайта шектеулер қойды. АҚШ, Франция, Германия, Австралия, Сингапур және Жапониядан келгендерге COVID-19 сынақтарынан өтудің қатаң ережелері енгізілді. Сонымен қатар, барлық келушілердің екі типтегі тест нәтижелері – ПТР және антиденелерді зерттеу қорытындылары болуы керек.