Өңірлерге 45 жылжымалы медициналық кешен жеткізілді

Елімізде алыс өңірлердің тұрғындарына қызмет етуге арналған100 жылжымалы медициналық кешен жеткізу жоспарланып отыр. Соның арқасында енді ауыл халқы қалаларға және аудан орталықтарына бармай-ақ УДЗ, ЭКГ және рентген жасай алады.

«Бүгінгі таңда «СарыарқаАвтоПром» Қостанай автомобиль зауыты 63 жылжымалы медициналық кешен жасап шығарды. Оның 45-і өңірлерге жөнелтіліп, 18 данасы жіберуге дайындалып жатыр. Қалған 37 кешен өндірісте. Оларды сынақтан өткізілген соң 2020 жылғы 22-23 қазанда жөнелту жоспарланып отыр», - делінген ҚР Индустрия және инфрақұрылымдық даму министрлігінің баспасөз қызметінің хабарламасында.