Мәжіліс депутаты ерлер мен әйелдердің зейнет жасын 60 жасқа дейін төмендетуді ұсынды

Мәжілістегі «Халық коммунистері» фракциясы депутаттары Қазақстандағы зейнет жасын әйелдер үшін де, ерлер үшін де 60 жас қылып белгілеуді сұрады. Бұл туралы Мәжіліс депутаты Айқын Қоңыров ҚР Премьер-министрі Асқар Маминге жолдаған депутаттық сауалында айтты.

Депутаттың айтуынша, жыл басынан бері, яғни қаңтар-тамыз аралығында Қазақстанда 110 981 адам өлімі тіркелген. Қайтыс болғандардың 71% (78.637 адам) – 60 жасқан асқан азаматтар. Күзгі-қысқы кезеңде ЖРВИ мен тұмаудың маусымдық ауруларына байланысты коронавирустан өлім қаупі едәуір артады, бұл қосымша қауіпсіздік шараларын қажет етеді. Әсіресе 60 жастан асқан адамдар үшін қауіпті. «Халық коммунистері» фракциясы осы ретте азаматтардың зейнетке шығу жасын қайта қарауға шақырды.

«2013 жылы біз әйелдердің зейнетке шығу жасын арттыру бөлігінде зейнетақы реформасын қолдамадық. Бүгін партияның облыстық және қалалық комитеттерінде қоғамдық пікірталастар сериясында айтылған азаматтардың пікіріне сүйене отырып, біздің азаматтарымыздың зейнетке шығу жасын азайтуды және оны 60 жастан бастап әйелдер мен ерлер үшін анықтауды ұсынамыз»,- делінген Айдын Қоңыров депутаттық сауалында.   

Коммунистер бұл өзгеріс үлкен буынның өмірі мен денсаулығын сақтау мақсатында ғана емес, экономикалық дағдарыс, экономиканың өсуі мен жұмыссыздықтың өсуіне қолайсыз болжамдар еңбек нарығына оң әсер етеді деп санайды.

Еске сала кетейік, қолданыстағы заңнамаға сәйкес, Қазақстанда ерлер үшін зейнеткерлік жас 63 жаста, әйелдер үшін 59,5 жаста басталады.