Министрлік дәрі-дәрмектің қымбаттағаны туралы хабарламаға пікір білдірді

Денсаулық сақтау министрлігі тауарлар мен көрсетілетін қызметтердің сапасы мен қауіпсіздігін бақылау комитетінің төрағасы Людмила Бюрабекова Energyprom.kz мониторинг агенттігі ұсынған дәрі-дәрмек бағасының 8 пайызға қымбаттауын түсіндірді. Оның айтуынша, бұл тек бағам айырмасы болуы мүмкін, деп хабарлайды Tegrinews.kz. 

Energyprom.kz мәліметінше, 2019 жылы қыркүйекте дәрі-дәрмек бағасының өсімі 8,2 пайызға жеткен, бір жыл бұрын бұл көрсеткіш 7 пайызға тең болған еді. Негізінен витаминдер - 11,4 пайызға, анальгетиктер - 10,6 пайызға, сондай-ақ корвалол және антибиотиктер 9,3 пайызға қымбаттаған. 

79 пайыз дәрі-дәрмек Қазақстанда сатылымның бөлшек саудасы арқылы жүргізіледі, яғни тұрғындар өз қаражатына дәріханадан тұтынады.