ДДСҰ ресейлік коронавирусқа қарсы вакцинаны тексереді

РФ алғаш болып COVID-19 вирусына қарсы вакцина енгізді

Дүниежүзілік денсаулық сақтау ұйымы ресейлік ғалымдармен байланыс орнатып, препарат туралы мәліметтерді талдайтындарын айтты, деп хабарлайды Azattyq Rýhy тілшісі РБК-ға сілтеме жасап.

Дүниежүзілік денсаулық сақтау ұйымы (ДДСҰ) COVID-19 коронавирустық инфекциясына қарсы вакцинаны зерттеу және дамыту саласындағы барлық жетістіктерді құптайды. Бұл туралы РБК-ға түскен ұйымның хабарламасында айтылған.

«Вакцинаны зерттеу өндіріске кіретін препараттардың қауіпсіздігі мен тиімділігіне кепілдік беру үшін белгіленген процедураларға сәйкес ұйым тексеріс жүргізеді»,-делінген хабарламада.

Сондай-ақ ДДСҰ ресейлік ғалымдармен және ел билігімен байланыс орнатып, вакцинаның сынақтары туралы ақпаратты талдау мүмкіндігін күтуде.