Лукашенконың ұшағы Түркияға қонды

Беларусь Президенті Александр Лукашенконың ұшақтарының бірі Түркияның Даламан қаласына қонды. Бұл туралы Түрік газеттерінің бірі жазды, деп хабарлайды Azattyq Rýhy тілшісі, Хартыя'97-ге сілтеме жасай отырып. 

Түрік басылымының мақаласында Bombardier Challenger 850 президенттік ұшағы (EW-301PJ нөмірі) Минскіден Даламанға ұшқаны айтылған. 

«Лукашенко Түркияға демалуға келген шығар», - деп ұсынды басылым. 

Бұған дейін БАҚ Лукашенконың ұшағы Түркияның оңтүстік-батысына қонды деп хабарлаған. Nexta Telegram арнасының мәліметінше, бортта Мемлекет басшысының өзі де, оның отбасы мүшелері де болуы мүмкін.

Айта кетейік, 9 тамызда Беларуссиядағы сайлаудан кейін Түркия президенті Режеп Тайып Ердоған Александр Лукашенконы жеңісімен құттықтады. 

Ердоған Лукашенконың сайлауда алған айтарлықтай халықтық қолдауын атап өтті. Сондай-ақ, ол Лукашенкоға бақыт пен табыс, ал Беларуссияға гүлдену мен амандық тіледі.

«Елдеріміз арасындағы қарым-қатынас пен біздің жақын ынтымақтастығымыз одан әрі дами беретініне тағы да өз сенімімді білдіргім келеді», - деді түрік көшбасшысы Ердоған.