Алматы облысында 300-ден астам жасөспірім түнде қыдырып жүрген

Жарияланған:
05.11.2019, 02:18

Кәмелетке толмағандардың басым бөлігі Талдықорған қаласы мен Талғар ауданында тіркеуге алынды

Алматы облысының тәртіп сақшылары «Түнгі қаладағы балалар» арнайы шарасы барысында 332 жасөспірімнің түнгі 22.00-ден кейін көше қыдырып, ойын-сауық орындарында жүргенін анықтады, деп хабарлайды ҚазАқпарат.

Кәмелетке толмағандардың басым бөлігі Талдықорған қаласы мен Талғар ауданында тіркеуге алынды. Олардың дені дәмханалардан, түнгі клубтар мен ойын залдарынан табылды.

Қазақстан заңнамаларына сәйкес, балалар мен жасөспірімдер түнгі уақытта ата-аналардың және басқа да ересек азаматтардың бақылауымен жүруі тиіс. Тек облыс орталығы бойынша екі тәулікте 51 жеткіншек қалалық полиция басқармасына жеткізілді.

Жалпы, Алматы облысы бойынша заң бұзудың 332 жағдайында 14 жасөспірімнің алкогольдік ішімдік ішкені анықталды. Сондай-ақ, тәртіп сақшылары тіркеуге алған жастардың арасында бірнеше қыз бала және 3-сынып оқушысы болған.

Алматы облыстық Полиция департаментінің мәліметінше, тәртіп сақшылары жасөспірімдердің ата-аналарымен кездесіп, әңгімелескен. Кейбір оқушылардың ата-анасына айыппұл салу туралы хаттама толтырылды.

Арнайы шара барысында Алматы облысының ірі елдімекендері мен 500-ден астам ойын-сауық кешені тексерілді.

Біздің ең маңызды және қызықты жаңалықтарды біздің Telegram-каналдан оқыңыз
Өзге де қызықты мақалалар
Әйелдердің өмір сүруіне қауіпсіз елдер рейтингінде Қазақстан 43-орында
«Медеу» мұз айдынының дәретханасында зорланған қыз елден кетті
Қазақстандағы ұялы байланыс операторларының қулығы әшкере болды

Сұхбат
«Абайдың 45 сұрағына» Мәжіліс депутаты Бақытгүл Хаменова жауап берді
Ресейде 800-900 мың қазақ өмір сүріп жатыр деген мәлімет бар, кей дереккөзде 1,5 миллион деп жазылған
«Абайдың 45 сұрағына» Арыстанбек Мұхамедиұлы жауап берді 
Абайдың 45 сұрағына алғаш болып жауап берген - Мәжіліс депутаты Нұртай Сабильянов