Соңғы дерек: Арыс қаласында 259 жаңа үй салынды

Қаланы қалпына келтіру 20 қыркүйекке дейін жалғасады

Фото: miid.gov.kz

9 қыркүйекке дейін Арыс қаласында 7413 жеке тұрғын үйлер мен көп қабатты тұрғын үйлерді қалпына келтіру жұмыстары аяқталды. Оның 243-інде косметикалық жөндеу жұмыстары жалғасуда. Бұл туралы ҚР Индустрия және инфрақұрылымдық даму министрлігінің хабарлайды.

Құрылысшылар 259 жаңа үй тұрғызды, оның 136-да әрлеу жұмыстары жүргізілуде.

Тұрғын үйді жөндеу Арыстың 11 секторында, ал жаңа үйлердің құрылысы 8 секторда аяқталды. Сонымен қатар, құрылыс алаңдарында 4,2 мың жұмысшы еңбек етуде.

Бүгінгі таңда әскери полигонда жарылыстан зардап шеккен 68 әлеуметтік нысанның 62-ісі қалпына келтірілді. Сондай-ақ, құрылысшылар 322 бизнес-нысанды пайдалануға тапсырды.