Қазақстан үкіметі 2030 жылы мал дәрігерлерінің жалақысын 2,5 есеге көбейтпек

Үкімет 2026–2030 жылдарға арналған ветеринарияны дамытудың кешенді жоспарын бекітті, деп хабарлайды Azattyq Rýhy.

Сол жоспарға сай, 2030 жылы еліміздегі мал дәрігерлерінің жалақысы қазіргіден 2,5 есеге көбейетін болды. Ветеринария қызметінің материалдық базасы да жақсарады деген үміт бар.

«2030 жылға қарай Ауыл шаруашылығы министрлігінің аумақтық бөлімшелері мен ведомстволық ұйымдарының материалдық-техникалық базасын 80 пайыз жаңарту және толықтыру жоспарланып отыр. Сондай-ақ жергілікті атқарушы органдарға қарасты ветеринариялық ұйымдар қызметкерлерінің еңбекақы төлеу қоры 1,5-2,5 есеге дейін артады», - деп хабарлайды үкіметтің баспасөз қызметі.