Қызылордада «Nur Otan» партиясы өкілдері дәрігерлерге қымыз таратты

«Nur Otan» партиясының Қызылорда қалалық филиалы коронавирус пандемиясымен алғы шепте күресіп жүрген дәрігерлерге алғыс білдіру акциясын бастады, деп хабарлайды Azattyq Rýhy тілшісі.

Филиал төрағасының бірінші орынбасары Шәріп Әбдірахманов қаладағы №6 емханаға арнайы барып, дәрігерлердің жағдайын білді. Партия белсендісі, «БИАЛИ ЛТД» ЖШС директоры Асхат Шаукенбаевтың демеушілігімен айран-сүт, қымыз салынған пакеттер табысталды.

«Коронавирусты жеңу үшін барымызды саламыз, қолдау білдіріп жатқандарыңызға рахмет. Осындай іс-шара бізге күш сыйлайды. Барлығы жақсы болып, індет жұқтырғандар емделіп шығады деп сенеміз», - деп алғысын білдірді емхананың бас дәрігерінің орынбасары Мая Мирзанова.

Ал Жосалы кентінде «Дәрігерлерге мың алғыс» акциясы аясында «Jas Otan» ЖҚ өкілдері дәрігерлерге жеміс-жидек себеттері таратты.