Нұр-Сұлтанда жедел жәрдемге жүгінушілер 2 есеге дейін азайған
Станционарға пневмониямен түсетін науқастар саны 33% азайды
Карантин шаралары мен емханаларда амбулаториялық емдеу күшейтілгендіктен, стационарға пневмониямен түсетін науқастар саны 33% (1348-ден 903-ке дейін) азайды. Бұл туралы Үкімет отырысында қала әкімі Алтай Көлгінов мәлімдеді.
Қала басшысының айтуынша, қала емханалары күн сайын симптомсыз және КВИ-дің жеңіл түрін жұқтырған, пневмонияға шалдыққан науқастарға мониторинг жүргізеді, телемедицина шеңберінде онлайн-кеңестер өткізеді, үйде стационарлар ұйымдастырады.
Бұдан басқа, жедел жәрдем станциясына түсетін қоңыраулар азайған: күніне шақыртулар саны екі есе (3 мыңнан 1 400-ге дейін), жүгінушілер саны да 2 есе төмендеген (4 300-ден 2 мыңға дейін), оның ішінде КВИ бойынша медициналық көмекке жүгінушілер тәулігіне 500-ден 175-ке дейін қысқарған.
