«ADAL» партиясы өңірлерде 2400-ге жуық кездесу өткізді

Депутаттыққа кандидаттар мен «ADAL» партиясының өкілдері Ақтөбе және Ақмола облыстарының тұрғындарымен кездесулерін жалғастыруда. Кандидаттар Ардақ Назаров, Мақсат Толықбай, Лаура Маликова, Ләззат Шыңғысбаева мен партия өкілдері Нұрлыбек Мұқанов және Әнуар Керембаев өңірдің бірқатар елдімекендерінде болды, деп хабарлайды Azattyq Rýhy тілшісі.

Қандыағаш қаласында қала жұртшылығымен үлкен кездесу өтті. Кездесу барысында Мақсат Толықбай партия бағдарламасының мақсаты туралы айтып, қала тұрғындарын азаматтық ұстанымын танытуға шақырды.

«Сайлауға қатысып, адал еңбек етуге, өз еркіңізді білдіруге бей-жай қарамау аса маңызды. Әйтпесе, елде ештеңені өзгерту мүмкін болмайды. Сіз көптеген, ондаған жылдар бойы проблемаларға шағымданып жүре бере аласыз. Ал оларды шешуге тырысуға да болады. Біз сіздерді осы іске шақырамыз», - деді ол.

Қала тұрғындары проблемалық сұрақтары мен ұсыныстарын білдірді. Сонымен қатар олар аймақта жартылай шикізаттық өнімді өндіру мен қайта өңдеу жүйесіне және басқа да көптеген проблемаға шағымданды.

«Бізде көптеген түйінді мәселе бар! Егер билік пен халықтың арасындағы байланыс орнықты, бәрі жақсы болса, онда шағымдар да, наразылықтар да болмайтын еді. Зейнетақыны өсіріп, жалақыны көтеріп, мал шаруашылығына барынша жағдай жасау керек. Біздің жайылымдарымыз қайда? Жер көп! Жүнді қайда жіберуіміз керек? Жастар қайда жұмысқа орналаса алады? Мұның бәрін шешу керек», - деді жергілікті зейнеткер.

Хромтау қаласында тұрғындар кейбір аудандарда сумен қамтамасыз ету проблемаларын көтерді. Сонымен қатар қала тұрғындары көпбалалы отбасыларға берілетін әлеуметтік төлемдердің мөлшеріне шағымданды.

«Жәрдемақыға өмір сүру мүмкін емес. Жалпы, менің 5 баламның 3-і базаға тіркелмеген, сондықтан мен жәрдемақыны алу керекті мөлшерден аз аламын! Сұмдық!», - деді әйелдердің бірі.

Сондай-ақ, қаланың кейбір аудандарының тұрғындары интернеттің жоқтығына наразы. Басқа тұрғындар несие бойынша пайыздық мөлшерлемені азайту керектігін айтты.

Депутаттыққа үміткерлер Ақмарал Бекмұрзаева мен Алина Асқарованың Ақмола облысының тұрғындарымен кездесуі жалғасуда. Щучинск қаласында ипотекалық кредиттеу және жалға берушілердің салық салуына жеңілдіктер тақырыбы қозғалды. Сондай-ақ, кездесуге көпбалалы аналар қатысып, олар өздері тұратын тұрғын үй жағдайларын түзетуге көмек сұрады. Сонымен қатар ерекше қажеттіліктері бар балалардың ата-аналары партияның қандайда бір жәрдеміне мұқтаж.

«Оңалту орталықтары, осындай балалармен жұмыс істей алатын мамандар жетіспейді. Топтарда ең көбі 6 адам болуы керек. Міне, біз үш жыл бұрын бір топты ашып, 5 адамға қол жеткіздік. Қазақстанда ғана РБОО-ға кіруге болады, ал орын болса жоқ, ол жерде қажет ететін оңалту емес», - деп шағымданды көзі нашар көретін баланың анасы.

Айта кету керек, үгіт-насихат жұмысы басталғалы өңірлерде 2371 кездесу өтіп, оған 36469 адам қатысты. Партияға кіру туралы 20494 өтініш түсті.