Тоқаев Италия президентін әуежайдан шығарып салды

Мемлекет басшысы Қасым-Жомарт Тоқаев Италия президенті Серджо Маттарелланы елорда әуежайынан шығарып салды, деп хабарлайды Azattyq Rýhy Ақордаға сілтеме жасай отырып.

Айта кетейік, Италия президенті Астанаға ресми сапармен кеше келген болатын. Екі ел президенттері келіссөз жүргізіп, әртүрлі салалардағы ынтымақтастықты талқылаған.

Ақорда жазғандай, Қазақстан президенті Серджо Маттарелланың Астана мен Рим арасындағы серіктестікті нығайтуға айтарлықтай үлес қосқанына назар аударған. Қасым-Жомарт Тоқаев былтыр Римге жасаған ресми сапары барысында Қазақстан – Италия ынтымақтастығына тың серпін берген маңызды уағдаластықтарға қол жеткізілгеніне тоқталған.