Қазақстан Тәжікстанға гуманитарлық көмек ретінде 5 мың тонна мазут берді
Бүгін оны төтенше және уәкілетті елші табыстады

Қазақстан Республикасының Тәжікстан Республикасындағы Төтенше және Өкілетті елшісі Уәлихан Төреханов Тәжікстан Республикасының үкіметі жанындағы Мемлекеттік материалдық резервтер агенттігінің директоры Нурмахмад Ахмадзодаға 5 мың тонна мазут сертификатын табыс етті, деп хабарлайды Azattyq Rýhy елшіліктің ресми сайтына сілтеме жасай отырып.
Бұл – екі ел арасындағы келісім аясында берілген гуманитарлық көмек.
«Қазақстан Елшісі екі ел арасындағы стратегиялық қарым-қатынастар шеңберінде Қазақстан басшылығы Тәжікстан Республикасына 871,9 млн. теңге (шамамен $1,67 млн.) көлемінде гуманитарлық көмек көрсету туралы шешім қабылдағанын атап өтті. Сонымен қатар, 144,5 млн. теңгеге ($276 мың) азық-түлік өнімдері (67 тонна өсімдік майы, 50 мың дана сүт консервілері және 325,6 тонна қарақұмық жармасы) табысталды», - деп хабарлайды елшіліктің сайты.